2007年12月7日星期五

關於我第一篇網誌



我第一篇網誌是曾經投稿給蘋果日報的，但被李兆富拒絕了，哈哈。這篇網誌是解釋為何范徐麗泰的支持者不會全數改投葉劉一票。

因不想浪費了自己第一篇文章，這樣便開始了 blogger 的生涯。

發佈者： 賭徒 於 星期五, 12月 07, 2007

標籤：

17 則留言:

匿名 說...

正所謂旁觀者清

2007年12月7日 下午11:07
賭徒 說...

可惜網上太多旁觀者孔，個個人都認為自己好清，包括我在內。造成今個星期為政治問題筆戰了數篇網誌，呵呵。

2007年12月7日 下午11:15
匿名 說...

你又唔係星相命理學家, 更唔係股票分析員,所以講中左都冇用.

我還是認為自己唔投票係對的.

2007年12月7日 下午11:36
匿名 說...

我都算係最初期上網個批人, d網絡野都見唔少,d人日打夜打online game升到好高級好出名好多虛擬武器,現實之中十成十係雙失青年一名.

有d人蒲forum,玩到好高分好高級升到虛擬銀行最多錢,排名十位以上. 點知一日個forum升級/執左,哦噢.萬般帶不走.

頭先呢條茂利去我blog留言 http://hk.myblog.yahoo.com/mykthome 佢只得一篇文,但有5815個回應, 累積人次：108906 , 睇佢個款係不斷四圍撩人去佢個blog度留言. 你話呢d人係咪吃飽飯無野做.

我諗除非有日有人睇中個blog, 找你出書或寫文章登報, 否則都係白白為個blog打工.

2007年12月7日 下午11:50
陳大文部落 說...

果個 garkoogle 係咪真的？ 講真，真係幾型。

2007年12月8日 下午1:55
陳大文部落 說...

品：

講真，好少/絕少/幾乎零，係會因為寫 blog 而有所謂出版社招攬去出書，而出書呢個動作，通常唔賺錢。

唔少 blogger 出書，其實唔係因為 blog 而後出書，而係本身可能已經係專欄人士，再結集成書，而出書呢個動作，係 remind 市場仲有呢個人。

而近年有唔少 沒知名度的 blogger ，會拿$$$ 自資出書，都係為左心願，當係自己及朋友既一種紀念品。因為無知名度，老實講，香港地，有幾多個會真係走去買自己本書。

而無知名度既書，書店只會當雜貨咁放一二角，你搵到都好野，就算追渣沽系列，係極少數人士可以有良好銷量，其餘的不知名出書者，都在書店大 big sale 時當垃圾去貨了。

2007年12月8日 下午2:02
匿名 說...

大文兄,

我本來就係想請教你出書既問題..現在你已解答了, 謝謝你..

哈哈.

2007年12月8日 下午5:34
陳大文部落 說...

[ 相反當日葉劉淑儀在廿三條愚忠的表現...]...

看了賭徒兄這篇網誌，很喜歡這句。葉劉真是很愚忠，更有說法是我偶像董建華推行 23 條時，葉劉是 [ 過度熱情 / 過多不必要的動作 ] 地去推銷 23條。這種人，這種愚忠；符合了廣東俗語( 屎忽鬼 ) 。現在，看一些忽然和諧情懷的西瓜靠大邊人士的咀臉，也是很屎忽鬼，荒死找不到靠山，實在很難理解，常形容葉劉務實、實事求是、和諧共創幸福之類，是很虛浮。

反轉豬肚就係 bit bit ~

2007年12月8日 下午6:25
匿名 說...

其實當選到都未必會係好事, 靜觀四萬跟住會點.

2007年12月8日 下午6:38
賭徒 說...

品姐，
我第一使用的討論區是高登第一代討論區，哈哈。當時好少 function，不是現在這樣的。

陳大文，
香港真係有好多保守的選民，好驚得罪中央。其實佢地唔明o者，香港人越扭計，中央就越派糖，因為中央無計可施，無可能用解放軍顛壓的，佢地只能派糖益香港。

2007年12月8日 下午9:52
匿名 說...

賭徙,
高登討論區,好野黎架喎..哈.

大文,
香港人越扭計，中央就越派糖, 咁扭咩計, 派咩糖? 我諗唔投既人因為懶, 我唔投係因為我唔識佢地. 不過我有個朋友每經過法輪功,或者司徙華, 就即閃開, 佢好驚話俾人影到以後仲駛番大陸既.

2007年12月9日 上午12:01
匿名 說...

香港人越扭計，中央就越派糖,

哩個情況只適用於香港人仲有利用價值既時候。

想一想, 香港對中央而家有乜利用價直？將來會有乜利用價值？

中央當然唔會派解放軍入黎, 但佢只要唔理香港, 比一個假像比啲香港既政治投機者乘虛而入，香港一亂，咁一直以黎所經營既經濟架構絕對可以毁於一旦。咁香港仲有乜野bargaining power?

2007年12月9日 上午5:15
陳大文部落 說...
此留言已被作者移除。
2007年12月9日 上午6:11
陳大文部落 說...

品：

就我個人理解，不去投票的人有兩種，其一：是一向都無興趣投票的人，原因可以有多種，例如真的無興趣、對政治不理解—或無興趣理解、認為自己不能對建制上有作用等，此為對投票冷感，香港幾乎大部份是這類。

其二：是對當時的候選人皆感不滿，與其要硬選，不如不投。此也可理解，投票與否是個人自由意志的選擇。

你提到路過法輪功人士或民主派某些人等，有些人會閃開，我個人認為，此舉十分多餘，既然是在街上，人人都是路人甲乙丙，時代已不同，並非好像街頭批鬥或街坊小報告的告密，更少有拍 video 點相。老實講，點相只會是帶頭人士，不會是路人。

關於[ 扭計與派糖 ] ，是很弔詭，也是香港人現時不明白自己價值的曲線問題。

2007年12月9日 上午6:13
匿名 說...

大文,

謝你的回覆, 因為我朋友是大陸移民來港的, 所以他們一家對這些很敏感,反而會好熱心投票, 他們會投反對中共的候選人.

多謝某君的解釋, 我有點明白扭計與派糖的意思.

我覺得香港對大陸人最大既利用價值,就係可以黎香港任生仔,同埋做左香港人後,可以自由出國.

九七前,就好擔心大陸咁窮會拖累香港, 九七後到香港唔掂, 但大陸好掂, 又好想大陸派D錢黎打救下我...

2007年12月9日 下午10:21
Simon the Conservative 說...

賭徒兄，

你個篇大作，得500幾字，好蝦人夾架！

李兆富

2007年12月10日 下午2:06
賭徒 說...

李兆富兄，

我只是說說笑吧，請不要介意。:D

2007年12月10日 下午6:25

發佈留言

訂閱： 發佈留言 (Atom)